http://www.arisudan.com/img/1985-2005.JPG
....1985 and 2005....

 

...Rudra hun Vish chhod Madhu ki kaamna main kyu karunga...

An Ode to Yesteryear

Kitne Mahine hue Baag me Koyal Ku-ku karti thi
Kitne Mahine hue Zameen se Saundhi Khushbu uthti thi

Kitne Mahine hue Kacche Aam ki Khataas me khoye hue
Kitne Mahine hue Niboli kachchi Tap-tap girti thi

Kitne Mahine hue Sardi me Maa jo Oon bunti thi
Kitne Mahine hue Subah ki pahli Dhoop bikharti thi

Kitne Mahine hue Naa aayi Daakiye ki Cycle purani si
Kitne Mahine hue Vo Saankal khad-khad khad-khad bajti thi

Kitne Mahine hue Hawa me Rupaiyya udaya karte the
Kitne Mahine hue Chavanni Hafte-Hafte chalti thi...

Kitne Mahine hue Eento me Khushboo talasha karte the
Kitne Mahine hue Sugandhi Swed se utha karti thi...

Kitne Mahine hue Safar me dost banaya karte the
Kitne Mahine hue Vo Bus me dhakka mukki hoti thi...

Aaj vo din hai... Mangal-Chand pe jana sambhav hai
Kitne Mahine hue Vo Ret ke Ghar me Gudia soti thi...

Aaj vo Din hai... Zindagi aur Fursat ki Rassa-kashi
Kitne Mahine hue zindagi sath me baith ke hansti thi

Aaj vo Din hai... unche Dumahle aur Neend ka naam nahi
Kitne Mahine hue vo Maa ki god me Palke mundti thi...

Aaj vo Din hai... ab to kisika Naam bhi lena yaad nahi,
Kitne Mahine hue ki Shaame sath me beeta karti thee...

Aaj vo Din hai... Ab na samjhe Maut-Zindagi ka antar...
Kitne Mahine hue... Vo Zindagi Roz Jilaayaa karti thi......

 

A thought by - Arisudan Yadav

 

 ...Hai amit Samarthya mujhme, Yachna main kyu karunga...

 

Facebook

LinkedIn

Google+

Twitter

YouTube Swades

YouTube Arisudan

 

Swades Indians in Houston

Bangalore Meetup Group

Unique Security Company

 

 

www.arisudan.com
Email: web@arisudan.com